O STEG solicita unha rectificación pública, acerca das súas declaracións sobre o galego, do Director Xeral de Ordenación e Innovación educativa na mesa sectorial do 18-12-09

Á/A ILMO. SR. JOSÉ LUIS MIRA LEMA
DIRECTOR XERAL DE ORDENACIÓN E INNOVACIÓN EDUCATIVA

ASUNTO:
Solicitude de rectificación das declaración sobre o galego da derradeira mesa sectorial sobre o galego.

EXPÓN:

Para o STEG o acontecido na mesa sectorial do venres día 18 decembro de 2009 é un claro exemplo de discriminación, cando non de desprezo, da nosa lingua. Sabendo que unha amplísima maioría do profesorado conta coa acreditación do CELGA 4, este requisito non dificultaría as solicitudes dos cursos e licenzas das ordes. Porén, ten a virtude de lembrarnos que, aínda hoxe en día, o coñecemento do galego por parte do profesorado é moi inferior ao dominio do castelán como consecuencia da escolarización franquista. E, despois de 30 anos de normalización lingüística, semella que o mínimo que pode facer a administración é valorar a todas aquelas persoas que se esforzaron e se esforzan, no coñecemento da nosa lingua.
Curiosamente na Orde de actividades de formación de linguas estranxeiras valórase como mérito calquera curso de calquera lingua agás o galego

SOLICITA:
unha rectificación pública do Director xeral de Ordenación e Innovación Educativa e que se inclúa a petición que contou co apoio da maioría sindical da mesa sectorial

En Santiago de Compostela, 21 de decembro de 2009

Asdo.: Xosé Cabido Pérez
en nome do SECRETARIADO NACIONAL DO STEG

CONSELLERÍA DE EDUCACIÓN E ORDENACIÓN UNIVERSITARIA

Documento en pdf para imprimir

Secretariado Nacional do STEG
Novembro 2009