• Xornada escolar xuño e setembro. Precipitación na toma de decisión á hora de mudar o calendario. Non se sopesaron as posibles consecuencias. No STEG seguimos pensando que para o alumnado é mellor a xornada reducida nestes meses. Cando saía o novo calendario así o defenderemos. Lembrámoslles que este ano estamos con 29 horas lectivas máis que a media estatal.
  Resposta: Non se manifestaron. Tan só a conselleira preguntou se preferiamos xornada reducida ou unha redución dos días lectivos. Preferimos a reducida.

• Catálogos e xornada. Denunciamos o incumprimento do acordo por parte da Consellaría neste curso. Hai centros que non poden cubrir as 25 horas de permanencia semanal. Non se lle deu solución. Neste tema o STEG despois de denuncialo nas xuntas de persoal e de manter unha entrevista con Canosa, conseguimos que saían vacantes neses centros para o ano que vén, máis este ano ninguén lle deu solución.
  Resposta: Este ano é imposible arranxalo.

• Especialistas en EI. Expuxemos a nosa postura que nos levou a non asinar o acordo. Pedimos información de como pretenden oficializar algo que nós, ademais de antipedagóxico pensamos que pode ser ilegal tendo en conta a LOE e o RD do currículo de EI.
  Resposta: Introducirano a través do novo ROC. Estarán atentos a non cometer ningunha ilegalidade.

• Orientación.
  • Problemática centros de 12 unidades. Segundo a orde que desenvolve o decreto 120, teñen que ter departamento de orientación os centros con 12 unidades (computando EI e EP). Segundo o acordo de catálogos e preciso que conten con 12 unidades de EP. Hai 30 centros en Galicia que perden o departamento. É un erro ou negociamos uns catálogos á baixa.
    Resposta: A Dirección Xeral de Ordenación e Innovación Educativa di que non hai erro, os catálogos están conforme ao asinado. O S.X. manifesta que a súa intención non era negociar a baixa.
  • Orientación compartida. Cambio de modelo por medio dunha circular.
    Resposta: Falarán o tema con Ordenación e Innovación Educativa
  • Problema da orientación en xeral. Modelo herdado ao que xa nos opuxemos no seu momento. Profesorado sen especialidade, profesorado coa titulación facendo traballo de grupo A e cobrando como grupo B. Falta de lista para substitucións, profesorado de EF, EM, etc... cubrido baixas de 3 meses nun posto de orientación...
    Resposta: Falarán o tema con Ordenación e Innovación Educativa
• Atraso nos pagos de comedor.
  Resposta: Intentarán nos vindeiros trimestres que se faga a principios.

• Complemento acción titorial. Problema do profesorado de secundaria que non tendo as 18 horas lectivas, ten que cubrir o resto obrigatoriamente con gardas (debido á organización do centro) polo que, aínda querendo, non pode facer dinamizacións.
  Resposta: S.X. Solucionarán o problema. Compromiso de que neses casos cobrarase o complemento. Pode valerlles a nosa solución. Ver documento metido en rexistro polo STEG
  
• Atraso retribucións substitucións. Persoas substitutas que tardan 2 ou 3 meses en cobrar.
  Resposta: Mellorouse moito este ano. Arranxarán os problemas puntuais.

• Lei da Función Pública. Protocolo de solicitude e de concesión de permisos, obxectivación das circunstancias para a concesión, rapidez na tramitación.
  Resposta: En breve sairá unha orde ao respecto xa que hai unha comisión traballando o tema. Hai algún permiso difícil de aplicar para o profesorado. Hai que ter en conta os dereitos do alumnado (profesorado que falta sistematicamente todas as semanas).

• Itinerancias. Levarano en breve á Mesa.

• Negociación orde xornada única. Será este trimestre. Están falando coas ANPAS, prevén unha negociación difícil. Preocúpaos a atención dos comedores escolares.

• Profesorado interino. Lembrámoslle que a apertura das negociacións foron un compromiso co STEG e co colectivo polo que nos sentimos enganados. Non están dispostos a negociar ata que remate o período transitorio. Os resultados do proceso foron moi positivos para o profesorado interino.

• Oferta de emprego público. Recoñecen que o ano pasado foi un pico polo que este ano será menor. Aceptan estar pendentes das especialidades que poidan ser problemáticas cos postos de traballo existentes.

• Orientación. Demandamos que se trate na Mesa Sectorial. Falarán o tema con Ordenación e Innovación Educativa

• Borradores de ROC. Estanos ultimando. Contan poder aprobalos para marzo. Faranos públicos con tempo suficiente.

• Diminución ratios. Hai centros onde é imposible. Teñen a intención pero veno difícil polas dificultades para crear os espazos físicos en determinados centros.

• Solicitude de PAS para os centros de EI e EP. Para o 2008 imposible. Os orzamentos non contemplan partida para este fin. Están estudiando fórmulas para podelos ir implantando.

Secretariado Nacional do STEG
decembro 2007