Acordo do 30 de abril sobre a xornada escolar nos meses de xuño e setembro
Resumo comisión de seguimento

Data: venres 9 de novembro
Asistentes: Benito Fernandez e J.L. Canosa pola administración e representantes de todas as organizacións sindicais asinantes do acordo.

O Secretario Xeral fai unha valoración moi positiva do cumprimento do acordo. A estas alturas só queda por cumprir o punto oitavo (“e estamos en prazo para facelo), referente as condicións para solicitar a xornada única, no resto a administración cumpriu ao 100%, tanto no horario dos centros como no relativo as negociación de catálogos e xornada laboral do profesorado de primaria.

As demais organizacións tamén valoran moi positivamente o grao de cumprimento do acordo e coinciden na necesidade de negociar xa unha modificación da orde que regula a xornada única. Botan de menos non dispor de datos concretos dos centros.

O STEG na súa intervención manifesta que non estamos de acordo coa valoración tan positiva que fai a Administración e o resto das OOSS, criticando os seguintes aspectos:

• Tardanza en convocar esta comisión. Tiña que terse feito cando podíamos solucionar problemas e non cando xa pasaron.
• Crítica de dous aspectos das instrucións remitidas polas delegacións aos centros
  • Tempo escaso para facer a solicitude (recordemos que foi do 20 de maio ao 1 de xuño)
  • Imposición de que a hora de entrada fora a mesma que en setembro de 2006
• Falta de datos para poder analizar os centros nos que hai problemas.
• Solicitamos que os centros nos que houbo problemas ou que teñan un horario irracional, o poidan mudar de cara a xornada do mes de xuño.
• Solicitamos a negociación inmediata da orde que regula a xornada única.

O Secretario Xeral, que non comparte a nosa valoración, comprométese a levar á Mesa Sectorial as negociacións para modificar a xornada única durante este 1º trimestre.

A administración facilitaranos todos os datos dos horarios dos centros que teña e acórdase que durante este 1º trimestre lle fagamos chegar suxestións para poder, nos casos que sexa posible, mellorar eses horarios de cara ao mes de xuño.

O STEG está á disposición de todos os centros que tiveron algún tipo de problema, para intentar resolvelo de cara ao mes de xuño.

Secretariado Nacional do STEG
setembro 2007