Resumo da Mesa sectorial do 5 de xuño
Negociación de catálogos e redución horaria do corpo de mestres
2ª proposta da Consellaria

A Administración trae a esta mesa sectorial unha segunda proposta que fora enviada ás OOSS o 31-05-2007.
Dita proposta presenta ás seguintes melloras á respecto da primeira:

• Redución do horario lectivo de 25 a 22 h e o horario fixo de permanencia semanal de 30 a 27. As 3 h restantes serán de computo mensual.

Califican esta proposta de esforzo importante da Consellería e piden o posicionamento das distintas OOSS.

O STEG valora como totalmente insuficiente a proposta da Consellería xa que analizada esta, e feitos os cálculos, estamos falando dun incremento de prazas moi pouco significativo:

• 146 prazas de EI (1+ en 3 unidades) das cales hai moitas que xa están funcionando de xeito provisional
• 21 prazas de EP + 95 condicionadas a ratio nos centros de 12 unidades
• 51 FI derivadas da LOE pola implantación do idioma estranxeiro no 1º Ciclo, non fruto desta negociación
• 15 de PT
• Aproximadamente 130 de orientación debido a que se inclúe nos centros de 6 a 11 unidades. Moitas delas tamén xa están funcionando

Solicitamos da Administración un verdadeiro movemento en prol da mellora do ensino, que pasa polo aumento real dos catálogos.

A nosa proposta de horario, a aplicar en dous cursos, é de 20 períodos lectivos incluídas as gardas, máis tres complementarias fixas e o resto de computo mensual.

A proposta de catálogos que presentamos pode verse aquí. Significaría un incremento dunhas 850 prazas.

CIG valora como insuficiente a proposta e fai a súa de 18 períodos lectivos máis 2 gardas e 3 complementarias fixas. Respecto a catálogos fai unha proposta cun incremento de 1109 profesores/as

ANPE, CCOO, CSIF e UXT entregan á Administración unha proposta conxunta na que establecen unha xornada laboral do profesorado de 24 horas fixas para o profesorado con 20 lectivas como máximo. Pide que o horario de permanencia sexa efectivo ao inicio do próximo curso e fai unha crítica a temporalización excesivamente longa da proposta da Consellería. Como criterios xerais para os catálogos establecen tantos xeralistas como unidades, aumento numero PT e AL, cada tres unidades de Infantil un profesor/a máis de apoio.

Nunha intervención da Administración di respecto aos horarios que é imposible a homologación con secundaria e con respecto aos catálogos que as propostas das OOSS supoñen un cuantioso incremento de profesorado o que supón un custo moi importante que non poden asumir. Comprométense a estudar e valorar as achegas e propostas de todas as OOSS e emprazounos á próxima mesa sectorial do venres 8 de maio de 2007.

Nos rogos e preguntas o STEG plantexou a necesidade de regular na norma do ano próximo a non participación nos tribunais de oposicións de aqueles vocais que non están impartindo a especialidade.
Plantexamos a inclusión no cadro de titulacións para inclusión nas listas da Licenciatura en xornalismo e a Licenciatura en Publicidade e Relacións Públicas para impartir os módulos de Procesos e Productos de Artes Gráficas así como Producción de Artes Gráficas

Secretariado Nacional do STEG
xuño 2007