Negociación de catálogos e redución horaria do corpo de mestres
A 1ª proposta da consellaría está lonxe das nosas pretensións

Na Mesa sectorial celebrada o martes 29, a que o STEG aínda non puido asistir, a Consellaría presentou unha proposta insuficiente para as nosas expectativas.

Dita proposta pode resumirse en:

• Redución horaria – 23 horas lectivas e 28 de permanencia semanal no centro máis dúas (ata as 30) de computo mensual
• Catálogos – aumento progresivo dos catálogos para facer posible a redución horaria no curso 2010/2011. A mellora redúcese a algún posto máis de FI e de PT en centros con determinado número de unidades.

Na vindeira Mesa que se celebrará o martes 5 de xuño o STEG presentara a nosa proposta que podemos resumir no seguinte:

• Redución horaria – Máximo de 20 h. lectivas para todo o profesorado (contando as gardas como tales). 3 h. complementarias fixas de computo semanal. 5 h. máis de permanencia no centro de computo mensual ata chegar a un máximo de 28.
• Criterios xerais para a confección dos catálogos
  • Todos os centros contarán con tantos especialistas de EP como unidades teña o centro.
  • Todos os centros contarán cos especialistas de EI suficientes para poder cumprir a redución horaria.
  • Os centros de menos de 6 unidades contaran co profesorado itinerante que sexa necesario.
  • Todos os centros con unidades de EI contaran con especialistas de AL e todos os que teñan unidades de EP con especialistas de PT, fixos ou itinerantes en función do número de unidades.
  • Praza de orientación en todos os centros de 6 ou máis unidades.
    

Secretariado Nacional do STEG
maio 2007