NÓMINA 2007

• Retribucións básicas, sexenios e descontos
• Complementos específicos

Comparativa retribucións nas distintas CCAA

Neste senso, non nos cabe máis que felicitar a administración por cumprir un dos seus compromisos electorais e a todas as organizacións sindicais polo traballo feito de cara a acadar melloras nas condicións de traballo do profesorado.

Como foi a negociación.
A proposta inicial da consellaría foi de 50 € en tres prazos, empezando en xaneiro de 2008 e rematando en xaneiro do 2010. Incluíanse tamén 30 € (primaria) e 40 € (secundaria) para pago de titorías (so para as titorías, non para todo o profesorado).

Despois de 7 xuntanzas da Mesa Sectorial, as posturas fóronse aproximando ata chegar ao acordo final.

Durante este proceso, o STEG foi valorando criticamente as diversas propostas da Consellería e transmitimoslle as nosas condicións ao Secretario Xeral de Educación para que poideramos asinar o preacordo

Moito nos tememos que unha vez acadado o acordo, cada quen queira atribuírse méritos en relación a consecución do mesmo, pode que algún caia na tentación de querer colgarse medallas, podemos oír frases do tipo: “grazas a nós...”, “isto é froito do noso traballo...”, etc, etc.

Pola nosa parte, pensamos que o acordo e froito de todas e cada unha das organizacións sindicais, que cada quen negociou seguindo a estratexia que considerou mais oportuna e que no fondo, e iso é o que importa, todas perseguían o mesmo fin, que non é outro que acadar melloras nas condicións de traballo do profesorado.

Por que asinou o STEG este preacordo?

1. A cantidade total sitúa ao profesorado galego no lugar que lle correspode dentro do conxunto do Estado. Ademais os prazos dos pagamentos acortábanse tal e como nós reclamamos.
2. Supón unha recuperación parcial do poder adquisitivo perdido nos últimos anos, recuperación insuficiente polo que o STEG seguirá a reclamar a recuperación total do perdido.
3. Asinar permite que o STEG esté na Comisión de Seguimento do Acordo.
4. Coñecida é a postura do STEG contraria á estratificación salarial polo que nun principio acolleu con preocupación o pago das titorías xa que só parte do profesorado se beneficiaría desa suba. Na reunión que mantivemos na Consellería fixemos saber a nosa postura de que só aceptariamos unha suba líneal. Cando se confirma que esa suba é lineal o STEG decide asinar. De todo xeitos estaremos vixiantes na comisión de seguimento a este apartado para que realmente redunde nunha mellora na calidade do ensino. Consideramos imprescindíbel que queden temporalizadas concretamente as funcións docentes ás que se refire o preacordo.
5. Como en todo acordo, hai cuestións nas que hai que ceder aínda que non nos satisfagan, como é neste caso o feito de que a suba para o corpo de inspección sexa superior a do resto do profesorado. Un total de 235 €.
   

Aclaracións de posibles dúbidas sobre o concepto “Función titorial e outras funcións docentes”
Todo o profesorado vai cobrar os 45 € deste complemento?
Si. A suba é lineal e para todo o profesorado.O profesorado titor cobrarao polo feito de selo e o resto terá que facer unha serie de actividades docentes dentro do seu horario lectivo.

Que tipo de actividades hai que facer?
Reforzos, apoios, desdobres de certas áreas, atención específica ao alumnado estranxeiro...ou calquera outra que se estableza na programación xeral do centro.

Canto tempo semanal hai que adicar a esas actividades?
Non se estipula no acordo, será negociado en posteriores reunións, en todo caso antes de xaneiro do 2008. A intención da Consellaría é que sexan dúas horas semanais.

Significa isto que quen teña a carga lectiva completa non vai percibir ese complemento?
Non. O profesorado co horario lectivo completo percibirá de oficio o complemento

É compatible o cobro deste complemento coa percepcións de outros?
Si, tanto cos cargos directivos como cos de caracter singular (xefaturas de departamento, profesorado de CRAs, etc)