Nos últimos anos, grazas ao traballo de José André Lôpez Goncález, nas vilas de Galiza estase a recuperar o mítico personaxe do Apalpador, un personaxe que vivía nas altas montañas das serras orientais de Galiza e que nos días do inverno baixa ás aldeas e vilas dos vales para apalparlles a barriguiña ás meniñas e aos meniños por ver se comeran ben durante todo o ano, achegándolles castañas e agasallos feitos a man.

A campaña gráfica “Ser lingua non é fácil” foi realizada no 2007 polo ENL da EOI de Ourense. O seu obxectivo era amosar linguas normalizadas hoxe en día (inglés, francés, español, alemán, portugués, italiano…) en momentos históricos críticos que ben puideron ter mudado a súa historia… Vemos así como todas as linguas están afectadas por condicionamentos sociais que poden facer mudar o seu estatus.

Todos estes paneis pretenden amosar como a funcionalidade das linguas ( para que serven?,para que van ser usadas?) vai ligada ás comunidades que as falan e aos seus condicionamentos sociais, políticos e económicos. Noutras palabras: a historia escrébese cada dia.

Se algún centro escolar quere facer uso desta exposición (8 paneis de 1m por 0,80m), pode pórse en contacto connosco para tela de balde no seu centro durante dúas semanas.

Nos seguintes enlaces podedes descargar o pdf e o power point con actividades vinculadas á exposición.

Caderno de actividades para secundaria sobre cambio climático elaborado polo CEIDA, Centro de Extensión Universitaria e Divulgación Ambiental de Galicia.

Caderno de actividades

Tamén contan con varias exposicións de emprestito

Exposición MULLERES NA HISTORIA realizada polo Colectivo 8 de Marzo do IES A Pontepedriña durante o curso 2006-2007.

A exposición consta de 60 paneis explicativos que abranguen desde as primeiras reivindicacións feministas durante a Ilustración, ata as numerosas mulleres que no século XXI loitan desde moi diversos ámbetos por construir unha sociedade máis xusta.
Desde o STEG somos conscientes da necesidade de que se coñeza esta historia que apenas aparece nos libros escolares, polo que agradecemos ao profesorado que realizou este traballo que xenerosamente o ceda para que poida chegar a canta máis xente mellor. No noso labor de difusión, desde a Asemblea de Mulleres do STEG desexamos destacar a calidade da mesma, e queremos abrir a posibilidade de compartir experiencias coeducativas entre o profesorado, polo que vos convidamos a poñervos en contacto connosco para solicitar o préstamo gratuito da exposición durante dúas semanas, ou para facer aportacións que desexedes compartir e as que lle poidamos dar difusión.

Exposición en PDF

Tamén podedes solicitar unha copia en CD nas nosas sedes para proxectala en power-point.