PROFESORADO INTERINO – REDUCIÓN DE PROFESORADO

INICIO DAS MOBILIZACIÓNS POLOS DESPIDOS DO PROFESORADO INTERINO E EN FAVOR DA CALIDADE DO ENSINO GALEGO

MÁIS DE 200 PERSOAS ACUDEN A CONCENTRACIÓN CONVOCADA POLO O STEG E A CIG PARA DEMANDAR A ESTABILIDADE PARA O PROFESORADO INTERINO E A ATENCIÓN AS DEMANDAS EDUCATIVAS DOS CENTROS.

O STEG ven denunciando, desde o inicio deste proceso opositor, que a precariedade na que se atopa este colectivo ía rematar coa maior precariedade : o paro. Podemos dicir que isto era a crónica dunha morte  anunciada. Nas distintas mesas de educación a nosa organización non deixou de demandar o inicio das negociación de estabilidade para este conxunto de docentes. A administración oponse constantemente co argumento de que o proceso de estabilidade será o sistema actual de oposicións.
O tempo danos a razón e lonxe de ser un sistema que solucione os conflitos, converteuse, como xa prediciamos, nun xerador de conflitos sociais.
Agora máis que nunca é imprescindíbel un proceso negociador que remate na consecución dunha estabilidade á que se ten dereito polas servizos prestados.
O problema agrávase ao haber unha drástica redución de profesorado. Esta redución de profesorado está facer que o alumnado non teña dereito a cursar materias optativas e fai que o profesorado se vexa obrigado a impartir materias que non son da súa especialidade. Non só se limita a posibilidade educativa do alumnado senón que estamos ante a maior diminución  na calidade do ensino dos últimos anos.  Como exemplo da calidade de ensino que pretende esta Consellería expoñemos algúns exemplos :

- profesorado de filosofía impartindo latín, informática, economía, xeografía....
- profesorado de latín impartindo música, informática...
- profesorado de educación física con música e debuxo...
e poderiamos seguir cunha longa lista de aldraxes á calidade do sistema educativo do noso país.

Resulta paradoxal que invoquen a economía para a redución de profesorado cando hai centros onde profesoras/es están a face 5 ou 6 horas de garda e teñen alumnado que quere cursar optativas do seu Departamento e non lle permite a Administración por ser un número insuficiente. Máis grave resulta o caso anterior se pensamos que iso acontece no rural. ¿ é todo isto á calidade do ensino?.

Non debemos esquecer que este recorte afectará de forma alarmante ao profesorado que viña realizando substitucións nestes últimos cursos.

Seguiremos a esixir unha dotación de profesorado axeitada á realidade dun ensino galego de calidade e unha solución ao profesorado que presta servizos a esta Consellería. De non ser así verémonos na obriga de continuar coas mobilizacións que consideremos oportunas.

SECRETARIADO NACIONAL DO STEG
17 de setembro do 2008