Sábado, 15 de decembro
MANIFESTACIÓN DE DELEGADOS E DELEGADAS SINDICAIS NA TOMA DE POSESIÓN DE FRAGA

A ista manifestación, non asistiron os representantes de ANPE. O día 14, fixéronnos chegaar aos demáis sindicatos da plataforma o seguinte comunicado:"1º. Non suscribimo-los documentos aportados pola Plataforma Sindical por non responder totalmente ós plantexamentos reivindicativos do profesorado galego. 2º.-A consecuencia do anterior, non asumimo-las actuacións programadas". A valoración desta nota, que a faga cada quen.

Retallos de prensa*:    * Non aparecen retallos da prensa galega xa que "non se sabe por que", pero apenas aparecen alusións a esta reivindicación.

Artigos de opinión: Por que un estudante sae na prensa coa pegatina do STEG (Francisco Legaspi)

Martes, 13 de novembro
COCENTRACIÓN DE DELEGADOS E DELEGADAS EN SANTIAGO

Retallos de prensa:

Manifesto

RETRIBUCIÓNS E CONDICIÓNS LABORAIS PARA O ANO 2002

Diante da grave agresión que supón para as empregadas e empregados públicos o Proxecto de Lei de Orzamentos do Estado para o ano 2002, manifestamos o noso máis absoluto rexeitamento, polas seguintes razóns:

• Consolida a perda do poder adquisitivo das traballadoras e traballadores das AA.PP. (máis de 15 puntos na última década), cunha suba salarial de soamente o 2 % -igual ó IPC previsto para o ano 2002-, o que ven a significar un novo recorte dos nosos salarios. A falta de rigor e a manipulación coa que o Goberno ven fixando e mantendo as previsións de inflación, constitúe un mecanismo para, degradando as nosas rendas, aminorar o gasto.

• Limita, un ano máis, o número de prazas de novo ingreso que, en todo caso, deberá ser inferior ó 25 % da taxa de reposición das vacantes. Esta amortización do 75 % das vacantes está a producir un efecto de substitución de emprego fixo por temporal, consolidando o emprego en precario nas Administracións Públicas (un 31 % de incremento da taxa de temporalidade nos últimos cinco anos) e o deterioro dos servicios públicos coa conseguinte privatización.

• Non recolle unha cláusula de revisión dos salarios a cal permita que as subas salariais se efectúen en base ó IPC real e non ó previsto.

Ante estas medidas regresivas, o Goberno ofrece como contrapartida un 0,5 % para un fondo de pensións privado, e un 0,5 % en concepto de retribución variable, ligada a uns obxectivos macroeconómicos dificilmente alcanzables. Ademais, dita suba non sería consolidable.

O Goberno presenta un fondo de pensións para as empregadas e empregados públicos, claramente insuficiente na súa dotación e unha trampa nun intento de facer transixir ás Organizacións Sindicais cunhas retribucións salariais e unha política de emprego de todo punto inaceptables, pretendendo convertilo nunha moeda de cambio fonte a posibles subas salariais directas das empregadas e empregados públicos.

No que respecta á Administración da Xunta de Galicia, segue totalmente vixente a táboa reivindicativa acorda polas Organizacións Sindicais da Plataforma Galega en defensa dos Servicios Públicos:

•   Recuperación do poder adquisitivo dos salarios

• Cláusula de Revisión Salarial

• Eliminación da taxa de reposición salarial

• Xornada máxima de 35 horas

• Conversión de emprego eventual en fixo

• Desaparición da mobilidade xeográfica forzosa

• Polo cumprimento da sentencia da Audiencia Nacional

• Defensa dos Servicios Públicos

• 1 % da masa salarial para o fondo de Acción Social

Se os Gobernos da Xunta e do Estado persisten en aplicar estas medida inxustas e arbitrarias, empeñándose en arruinar o noso dereito á Negociación Colectiva, as Organizacións Sindicais temos a vontade de continuar mobilizándonos a prol das nosas demandas ata que se produza unha negociación real e efectiva no conxunto das Administracións Públicas.

POLO MANTEMENTO DO PODER ADQUISITIVO  

.