ITINERANCIAS
O STEG chega a un acordo para asinar a orde que regula as itinerancias

Grazas ao STEG as mestras que cheguen ao 5 mes de embarazo poderán deixar de itinerar xa este curso.

O STEG, na mesa sectorial de hoxe 21 de decembro, chega a un acordo para regular as condicións socilolaborais do, cada vez máis numeroso, profesorado itinerante.

As modificacións máis importantes introducidas no documento presentado pola consellaría son as seguintes:

• No punto 1 especifícase que todas as persoas de orientación que compartan centro ou teñan centros adscritos, terán a condición de itinerantes
• No punto dous redúcese o 1º tramo ata os 50 quilómetros
• No mesmo punto a redución horaria de permanencia fixa para a ser de horario lectivo
• Redúcese a distancia máxima entre os centros a 35 quilómetros
• A partida para pago das itinerancias virá especificada aparte nas dotacións dos centros
• A consellaría comprométese a acadar acordos coas compañías de seguros
• O pago da quilometraxe será con efectos do 1 de setembro de 2007
• Grazas a unha proposta que só o STEG plantexou, as mulleres que cheguen ao 5º mes de xestación este curso deixaran de itinerar.

Galiza era un dos poucos territorios do estado onde non estaban reguladas as condicións de traballo deste colectivo.
O STEG felicita e saúda a unidade sindical conseguida e á Consellería por asumir a maioría das reivindicacións presentadas.